हामी सबैकाे संसारन्यूज

८ फागुन, काठमाडौँ । प्रधानमन्त्री केपी शर्मा ओलिले प्रतिनिधिसभा पुनस्स्थापना भए आन्दोलन गर्ने चेतावनी दिएका छन् ।

नेकपाको ओली समूहले शनिबार विराटनगरमा गरेको सभालाई सम्बोधन गर्दै प्रधानमन्त्रीओलिले प्रतिनिधिसभा विघटन अदालतबाट सदर नभए आन्दोलन गर्ने चेतावनी दिएका हुन्।

उनले सर्वोच्च अदालतले विघटित प्रतिनिधिसभा पुनःस्थापना गरे गठजोडको सरकार बन्ने र मुलुक अस्थिरतामा जाने दाबी समेत गरेका छन् ।
प्रतिनिधिसभा पुनःस्थापना भए एकल पार्टीको बहुमतको सरकार नरहने र यसबीच सत्ता बनाउने र ढलाउने खेल हुने बताएका हुन् । उनले आफ्नो नेतृत्वमा बहुमत रहेको दाबी समेत गरे ।

‘सत्ता समिकरणको खेलमा सांसद किनबेच, दलहरूका बीचमा मोलतोल, फेरी सरकार ढलाउ, फेरि सरकार बनाउने खेलमै दुई वर्ष समाप्त हन्छ ।’

त्यस्तो अवस्था आउन नदिनका लागि सर्वोच्च अदालतले प्रतिनिधिसभा विघटन सदर गर्नुपर्ने उनको भनाई छ । मुलुक ताजा जनादेशमा गइसकेको भन्दै उनले कसैको दबाबमा नपरी सर्वोच्च अदालतले प्रतिनिधिसभा विघटन सदर गर्नुपर्ने बताएका हुन् ।

ओलीले अहिलेको जनअपेक्षा चुनाव भएकोमा जोड दिँदै त्यसविपरीत निर्णय आए आन्दोलनका लागि तयार रहन समेत कार्यकर्तालाई निर्देशन दिएका छन् ।

उनले चुनाव वैशाखमै हुने र आफूले नेतृत्व गरेको नेकपाले नै बहुमत ल्याउने दाबी समेत गरेका छन् ।