हामी सबैकाे संसारन्यूज

९ फागुन, काठमाडौं । पूर्वप्रधानमन्त्री तथा जनता समाजवादी पार्टी नेपालका संघीय परिषद् अध्यक्ष डा. बाबुराम भट्टराई उपचारका लागि आज भारतको नयाँदिल्ली जाँदै छन् ।

नेपाल वायु सेवा निगमको जहाजबाट आज भारतको राजधानी नयाँदिल्ली जान लागेका डा. भट्टराईको त्यहाँस्थित इन्स्च्यिुट अफ लिभर एण्ड बिलिअरी साइन्सेसमा उपचार हुने बताइएको छ ।

डा. भट्टराईका प्रेस सल्लाहकार विश्वदीप पाण्डेका अनुसार डा. भट्टराईको उपचारमा संलग्न चिकित्सकहरुले उनलाई न्युरो–इन्क्राइनको ट्युमर भएको हुनसक्ने आशंका गरी उपचार गर्न सल्लाह दिएअनुसार उनी दिल्ली जान लागेका हुन् ।

डा. भट्टराईले पनि बरिष्ठ चिकित्सकको सल्लाहमा आफु आइतबार उपचारका लागि भारत जान लागेको र दिल्लीस्थित इन्स्च्यिुट अफ लिभर एण्ड बिलिअरी साइन्सेसमा आफ्नो उपचार हुने बताएका छन् ।

नेपालका बरिष्ठ चिकित्सकहरूको सल्लाह बमोजिम म फागुन ९ गते आफ्नो स्वास्थ्य उपचारकोलागि भारतको दिल्लीतर्फ प्रस्थान गर्दैछु।त्यहाॅको Institute of Liver and Biliary Sciences मा मेरो उपचार हुनेछ।स्वास्थ्यलाभको कामना गर्नुहुने सबैप्रति हार्दिक आभार ब्यक्त गर्दछु। pic.twitter.com/uaxpOH29d8

— Baburam Bhattarai (@brb1954) February 21, 2021