हामी सबैकाे संसारन्यूज

९ फागुन, काठमाडौं । प्रतिगमनविरुद्धको सडक आन्दोलमा सक्रिय रहेको नेपाल कम्युनिष्ट पार्टी (नेकपा) को प्रचण्ड–माधव पक्षले संगठन व्यवस्थापनका लागि नयाँ सहमति बनाएको छ ।

नेकपाको एक सुत्रका अनुसार पार्टीको सबै तह र जनवर्गिय संगठनको व्यवस्थापनमा अब सामन्यतया ५०/५० प्रतिशतको आधार बनाएको छ । केपी ओलीसँगको सहमति गर्दा प्रचण्डले ५५÷४५ मा कार्यकर्ता व्यवस्थापन गरेका थिए ।

सो मापदण्डमा जनाइए अनुसार प्रदेश र जिल्लाका इन्जार्च, सहइन्चार्ज, सबै पार्टी कमिटी तथा जनसंगठनका पदाधिकारीहरुमा सामान्यतया साविकको जुन पक्षबाट रिक्त भएको हो, त्यहि पक्षबाट पूर्ती हुने एवं पदाधिकारीको छनौटमा वरिष्ठता,सक्रियता र क्षमतालाई ध्यान दिने भनिएको छ ।

त्यसैगरी विशेष परिस्थितिमा विशेष निर्णय बाहेक पार्टी कमिटी तथा जवसहरुमा बरियतामा अगाडि रहेका लाई प्राथमिकता दिने, साविक घटकको प्रतिनिधित्व सुनिश्चित गराउने, महिला तथा समावेशी सिद्धान्तको अनुशरण गर्ने, स्थानीय कमिटीहरुको फेरबदल प्रदेश कमिटीलाई दिने । तर, पार्टी केन्द्रीय कमिटि, केन्द्रीय निकाय तथा जवसहरुको केन्द्रीय समिति बाहेक अन्यतहको निर्णय प्रदेश कमिटिले गर्ने । जनवर्गिय संगठनमा विधान अनुरुप सदस्यको मनोनय गर्ने तथा अपुग भएमा केन्द्रमा सुझाव पठाउने, जिम्मेवारी औचित्यपूर्ण हुनुपर्ने र पार्टीपंक्ति उत्साहित बनाउने निर्णय गरिनुपर्ने लगायतका मापदण्ड र आधारको अवलम्बन गरी रिक्त स्थानको पदपूर्ति गर्ने बताइएको छ ।