हामी सबैकाे संसारन्यूज

१० फागुन, काठमाडौं । नेपालमा ४ लाख १४ हजार बढीले कोरोना भाइरसविरुद्धको खोप लगाएका छन् ।

माघ १४ गतेबाट लगाउन सुरु गरिएको कोरोना भाइरसविरुद्धको खोप फागुन ९ गतेसम्मको विवरणमा देशैभरीका १६५ खोप केन्द्रहरुबाट  ४ लाख १४ हजार २१५ जनाले लगाएको स्वास्थ्य मन्त्रालयले जानकारी दिएको छ ।

भारत सरकारद्धारा माघ ६ गते अनुदानमा प्राप्त १० लाख डोज खोप पहिलो चरणमा कोरोना भाइरसविरुद्धको लडाइमा खटिएका स्वास्थ्यकर्मी, सुरक्षाकर्मी, एम्बुलेन्स चालक, शबबाहन चालक लगायतमा लगाइएको थियो ।

त्यसैगरी माघ २६ गतेदेखि सुरु भएको दोश्रो चरणको खोप अभियान, पत्रकार, कर्मचारी, कुटनैतिक नियोगका कर्मचारी र तिनमा आश्रित परिवारलाई लगाइएको थियो ।