हामी सबैकाे संसारन्यूज

१९ फागुन, काठमाडौँ । नेपाल कम्युनिस्ट पार्टी (नेकपा) प्रचण्ड–माधव समूहको केन्द्रीय कमिटी बैठक आज बस्दैछ ।

सचिवालयको निर्णय अनुसार बैठक आज पार्टी कार्यालय पेरिसडाँडामा दिउँसो  १ बजे बस्न लागेको हो । बैठकमा केन्द्रीय सदस्यहरुलाई नागरिकता सहित अनिवार्य उपस्थित हुन निर्देशन दिइएको सो समूहले जनाएको छ ।

बैठकमा पछिल्लो राजनीतिक घटनाक्रम बारे गर्ने छलफल  र २३ गते संसद बैठकसमेत आह्वान भैसकेकोले कसरी प्रस्तुत हुने विषयमा विशेष छलफल हुने बताइएको छ ।

सो समूहले सर्वोच्चको आदेशपछि प्रधानमन्त्री केपी शर्मा ओलीले नैतिकताको आधारमा राजीनामा दिनुपर्ने माग गर्दै आएपनि प्रधानमन्त्रीले राजनीनामा नदिएपछि उनी विरुद्ध अविश्वासको प्रस्ताव ल्याउने विषयमा पनि छलफल हुने नेताहरुले बताएका छन् ।

त्यस्तै बैठकले सरकार गठन लगायतका आगामी कार्यक्रमका बारेमा पनि रणनीति बनाउने जनाइएको छ ।