हामी सबैकाे संसारन्यूज

फागुन २३, काठमाडौं । संविधानसभा अध्यक्षसमेत रहेका प्रधानमन्त्री केपी शर्मा ओली पक्षीय नेता सुवासचन्द्र नेम्वाङ्गले सर्वोच्च अदालतको फैसलालाई सहर्ष स्वीकार गर्ने बताए छन् । उनले आफुँहरु फैसला कार्यान्वयनको दिशामा लाग्ने बताए ।

नेम्वाङले फैसला अपेक्षाकृत र अनपेक्षित भन्ने केहि नरहेको बताए । ‘सर्वोच्च अदालतको फैसला भन्ने वित्तिकै सन्तोष लाग्यो असन्तोष लाग्यो भन्ने तर्फ हामी जाँदै जाँदैनौं, शिरोधार्य गर्ने कुरा महत्वपूर्णं छ’, नेम्वाङ्गले भनेका छन्, ‘फैसला अपेक्षाकृत र अनपेक्षित भन्ने कुरा हुन्न, कतिपयले भन्छन् भने त्यो उनीहरुको कुरा हो ।’

उनले यसअघि प्रतिनिधि सभा विघटनको निर्णयलाई पनि आफुँहरु सहर्ष स्वीकार गरेको बताए ।

‘हामी कानूनको शासन मान्छौं, संविधानबमोजिम सम्मानित सर्वोच्च अदालत भनेको कानूनको आधिकारिक व्याख्यात हो, त्यसैले केहि समय अगाडि प्रतिनिधि सभा पुनःस्थापित गर्दा पनि त्यसलाई हामीले शिरोपर गर्यौं’, उनले भनेका छन्, ‘यो पछिल्लो सर्वोच्च अदालतको आदेशलाई पनि हामी मान्छौं । सर्वोच्चको आदेशलाई कार्यान्वयन गर्दै कानून बमोजिम हामी अगाडि बढ्छौं ।’

आइतबार सर्वोच्च अदालतले नेकपाको नाम विवादबारेको मुद्दामा ऋषि कट्टेलको पक्षमा फैसला सुनाएको थियो । साथै सर्वोच्चले नेपाल कम्युनिष्ट पार्टी ९नेकपा० घोषणा पूर्वको साबिक पार्टीहरुलाई नै मान्यता दिने निर्णय गरेको छ ।