फागुन २६, काठमाडौं । राष्ट्रिय प्रजातन्त्र पार्टीले रिक्त ६ वटा प्रदेश तहको नेतृत्व चयन गरेको छ । राप्रपाका प्रमुख केन्द्रीय सचिवालय सदस्य धुव्रबहादुर प्रधानका अनुसार पार्टी अध्यक्षत्रयको सहमतीमा प्रदेश तहको नेतृत्व चयन भएको हो ।
राप्रपाले प्रदेश १ को अध्यक्षमा रामकुमार थापा.(झापा) र उपाध्यक्षमा सगुनसुन्दर लावती (पाँचथर)लाई चयन गरेको छ । त्यसैगरि प्रदेश २ को अध्यक्षमा रामचन्द्र राय (सर्लाही) र उपाध्यक्षमा महेशलाल महासेठ (सिरहा)लाई चयन गरेको छ ।
राप्रपाले गण्डकी प्रदेशको अध्यक्षमा हेमजंग गुरुङ (लमजुङ) र उपाध्यक्षमा महेश्वर रोक्का (गोरखा)लाई चयन गरेको छ । त्यसैगरि लुम्बिनी प्रदेशको अध्यक्षमा प्रदीपकुमार उदय (रुपन्देही) र कैलाश गुरुङ (रुपन्देही)लाई चयन गरेको छ ।
राप्रपाले कर्णाली प्रदेशको अध्यक्षमा दिपबहादुर शाही (कालिकोट) र उपाध्यक्षमा जनकसिंह ठकुरी (सुर्खेत)लाई चयन गरेको छ । राप्रपाले सुदुरपश्चिमको नेतृत्वको विषयमा भने हालसम्म कुनै निर्णय नगरेको जनाइएको छ ।
वि.सं.२०७७ फागुन २६ बुधवार १७:४४ मा प्रकाशित