हामी सबैकाे संसारन्यूज

चैत १, काठमाडौं । प्रधानमन्त्री तथा नेकपाका अध्यक्ष केपी शर्मा ओलीले गत शुक्रबार गरेको आन्तरिक पार्टी निर्णयहरुलाई रोक्न माग गर्दै माधव कुमार नेपाल पक्षले निर्वाचन आयोगमा निवेदन पत्र बुझाएको छ । नेपाल पक्षका ११ स्थायी कमिटी सदस्यहरुले हस्ताक्षर गर्दै ओलीको निर्णयलाई वैधानिकता नदिन माग गरेका हुन् ।

‘यसबाट सर्वोच्च अदालतको फैसला र निर्वाचन आयोगको सूचना बमोजिम पार्टी एकीकरणको सम्भावनाका सम्बन्धमा केन्द्रीय कमिटीका सदस्यहरुले आफ्नो धारणा बैठकमा राख्नबाट बञ्चित गरिएको छ। पार्टी एकीकरणका बारेमा छलफल गर्न कानुनसम्मत अवसरबाट दिइनुपर्नेमा उल्टै हामीहरुलाई कुनै जानकारी नै नदिइ बहुमत समेत नभएको बैठकबाट पार्टी विधान विपरीत केन्द्रीय कमिटीका कतिपय पदाधिकारीलाई पदबाट हटाइएको, केहीको जिम्मेवारी हेरफेर गरिएको र केही थप व्यक्तिहरुलाई केन्द्रीय कमिटीको सदस्य बनाइएको भनी सार्वजनिक भएको कामकारबाही नेकपा ९एमाले० को विधान विपरीत र अनाधिकृत छ’, पत्रमा भनिएको छ।

आयोगलाई बुझाइएको पत्रमा नेता नेपालसहित झलनाथ खनाल, युवराज ज्ञवाली, अष्टलक्ष्मी शाक्य, भीमबहादुर रावल, घनश्याम भुसाल, भीमप्रसाद आचार्य, गोकर्णराज विष्ट, योगेशकुमार भट्टराई, मुकुन्द न्यौपाने र सुरेन्द्र पाण्डेले हस्ताक्षर गरेका छन्।

शुक्रबार प्रधानमन्त्री ओलीले आफुँ पक्षीय केन्द्रीय कमिटीको भेला गरेर पार्टी विधान संशोधनदेखि सांगठनीक संरचनाका विषयमा महत्वपूर्णं निर्णय लिएका थिए । उनले माधव कुमार नेपालसहित उनी पक्षीय सबैजसो नेताहरुलाई साबिक जिम्मेवारीबाट मुक्त गराएका छन् ।

यस्तो छ पत्र