हामी सबैकाे संसारन्यूज

१० चैत, काठमाडौँ । अखिल नेपाल फुटबल संघ (एन्फा) ले आयोजना गरेकाे थ्री नेसन्स कप अन्तराष्ट्रिय फुटबल प्रतियोगिता त्रिपुरेश्वरस्थित दशरथ रंगशालामा आजबाट सुरु हुने गईरहेको छ । थ्री नेसन्स कप अन्तराष्ट्रिय फुटबल प्रतियोगिताको पहिलो खेलमा बंगलादेश र किर्गिस्तानको यू २३ भिड्न गईरहेको छ । यी दुई टिम बिचको खेल साँझ ५:३० बाट सुरु हुनेछ ।

नेपालले भने आफ्नो पहिलो खेल बिहिबार चैत १२ गते किर्गिस्तानसँग खेल्ने छ भने दोस्रो खेल चैत १४ गते बंग्लादेश विरुद्ध खेल्ने । राउण्ड रोबिनको आधारमा हुने लिगमा शीर्ष दुई स्थानमा रहने टिमले फाइनलमा प्रतिस्पर्धा गर्ने छ । प्रतियोगिताको फाइनल खेल चैत १६ गते हुनेछ ।

एन्फाले आयोजना गरेको यस प्रतियोगितामा नेपाल, बंग्लादेश र किर्गिस्तानले भाग लिएका छन ।