हामी सबैकाे संसारन्यूज

स्याङ्जा । अबदेखि आँधिखोला गाउँपालिकाको चिलाउनेबासमा नै आयुर्वेद उपचार गर्न पाइने भएको छ । गण्डकी प्रदेश सरकार र आँधिखोला गाउँपालिकाको संयुक्त पहलमा मंगलबारदेखि आयुर्वेद स्वास्थ्य सेवा सञ्चालनमा आएसँगै सो सुविधा उपलब्ध हुने भएको हो ।

आँधिखोला गाउँपालिकाको वडा नं. २ मा आरोग्य सेवा केन्द्रको नामबाट सञ्चालित स्वास्थ्य केन्द्रले सेवाग्राहीहरुलाई प्राचिन तथा होमीयोप्याथी विधिबाट उपचार सेवा उपलब्ध गराउनेछ । आरोग्य केन्द्रले स्याङ्जा जिल्ला र पर्वत जिल्लाका जनताको उपचारमा सहयोग पुर्याउने पालिकाका अध्यक्ष सुधिर पौडेलले बताए ।

अन्धअन्धी तथा श्रवणकुमारको प्राचिन कथा बोकेको सो क्षेत्रमा आयुर्वेद उपचार पद्दती सुरुवात हुने विषयले आन्तरिक पर्यटनलाई समेत टेवा पुर्याउने अध्यक्ष पौडेलको भनाई छ । मंगलबार एक समारोहका बीच पालिका अध्यक्ष पौडेलले आरोग्य केन्द्रको उद्घाटन गरेका थिए ।