१९ माघ,बनेपा। काठमाडौँ विश्वविद्यालयमा दश दिनदेखि भएको तालाबन्दी अहिलेसम्म पनि खुल्न नसक्दा पठनपाठन प्रभावित भएको छ ।
विद्यार्थी कल्याणको चुनाव स्थगनपछि अनेरास्ववियुको नेतृत्वमा काठमाडाँै विश्वविद्यालयको प्रशासनिक कक्षलगायतका विभिन्न विभागमा गत ९ गतेदेखि तालाबन्दी भएको थियो ।
विश्वविद्यालयका रजिष्टार डा भोला थापाले तालाबन्दीका कारण पठनपाठन ठप्प भएको उल्लेख गर्दै विद्यार्थीसँग दिनहुँजसो वार्ता जारी रहेको बताउनुभयो ।
वार्ता भइरहेको छ तर निष्कर्षमा पुग्न सकिएको छैन उहाँले भन्नुभयो ।
काठमाडौँ विश्वविद्यालय अनेरास्ववियु राष्ट्रिय कमिटीका सचिव उजन गौतमले आफूहरुले चुनाव जित्ने निश्चित भएका कारण चुनाव भाँडिएको आरोप लगाउँदै यथाशीघ्र चुनाव गर्न आग्रह गर्नुभयो ।
उहाँले तत्काल वार्ता पनि जारी नरहेको उल्लेख गर्दै अब केही दिनमा निर्णय आउने अपेक्षा भएको बताउनुभयो ।
