Sansar News
२५ चैत्र, काठमाडौं । इसेवामार्फत हवाइजहाज टिकट काट्दा शतप्रतिशतसम्म क्यासब्याक पाइने भएको छ । इसेवामार्फत आन्तरिक तर्फको एयरलाइन्सका कुनै पनि गन्तव्यको टिकट काट्ने यात्रु यस योजनामा सहभागी हुनेछन् ।
हरेक दिन तीन जनाले तीन हजारसम्मको टिकटमा शतप्रतिशत क्यासब्याक पाउनेछन् भने त्यसभन्दा माथिको टिकटमा तीनहजार रूपैयाँ छुट पाउनेछन् ।इसेवाका अनुसार यो योजना यही ३१ चैतसम्म सञ्चालन हुने छ ।
यस्तै जाउँ है पोखरा अभियान अन्तरगत पोखरा जाने यात्रुहरुले एयरलाइन्स् टिकट काट्दा टिकट बुकिङ, होटल तथा रेष्टुरेन्ट तथा शाहशिक खेलहरूमा आकर्षक छुट प्राप्त गर्ने पनि जनाइएको छ । यात्रुहरूले इसेवामार्फत टिकट काटिसकेपछि ‘जाउँ है पोखरा’ भन्ने विवरणमा क्लिक गरी यस्तो छुट पाउने जनाइएको छ ।
होटल तथा साहसिक खेलमा छुट प्राप्त गर्नका लागि इसेवाबाट प्रि बुकिङ गर्नुपर्नेछ अथवा हवाइ टिकट देखाउनुपर्नेछ ।
वि.सं.२०७७ चैत २५ बुधवार १३:५१ मा प्रकाशित
