हामी सबैकाे संसारन्यूज

२६ चैत, काठमाडौं । इटालियन सिरी ए अन्तरगत युभेन्ट्स र इन्टर मिलान विजयी भएका छन् । यो सिजन सुधारिएको प्रदर्शन गर्दै विजयी यात्रा कायमनै राखेको मिलान जितसँगै उपाधि होडमा नजिक रहेको छ ।

युभेन्टसले बलियो प्रतिस्पर्धि नोपोलीलाई २-१ ले पराजीत गर्दा उसका लागि स्टार खेलाडी रोनाल्डोले खेलको १४ औँ मिनेटमा गोलगर्दै टोलीलाई अग्रगा दिलाएका थिए । युभेन्टसका लागि दोस्रो गोल लामो समय इन्जुरीका कारण मैदान बाहिर  रही खेलमा फर्किएका डेबालाले गरेका थिए । नोपोलीका लागि भने खेलको अन्तिम समयमा पेनाल्टि मार्फत इन्सिग्निले गरेका थिए ।

जितसँगै उपाधि होडमा युभेन्टसले आफुललाई जिवितनै राख्दा उता अंक तालिकाको पहिलो स्थानमा रहेको इन्टर मिलानले पनि जित निकालेको छ । इन्टरले सासुलोलाई २-१ ले पराजित गर्दा लुकाकु र मार्टिनेजले एकएक गोल गरे भने सासुलोको लागी ट्राउरले एक गोल गरे ।

सिरी ए अंक तालिकाको पहिलो स्थानमा रहेको इन्टर मिलानको २९ खेलबाट ७१ अंक रहेको छ । समन खेलबाट ६० अंक रहेको एसि मिलान दोस्रो र युभेन्टसकाे ५९ अंक सहित तेस्रो स्थानमा रहेको छ ।