हामी सबैकाे संसारन्यूज

वैशाख २, काठमाडौं । अमेरिकाका राष्ट्रपति जो बाइडनले अफगानिस्ताबाट सबै अमेरिकी सैनिक फिर्ता लैजाने घोषणा गरेका छन् । बुधबार ह्वाइट हाउसबाट टेलिभिजन सम्बोधन गर्दै उनले आगामी सेक्टेम्बर ११ भित्र सबै सैनिक फिर्ता लैजाने घोषणा गरेका हुन् ।

‘११ सेक्टेम्बर (२००१)को घटनाको २० वर्ष हुनुपूर्व अमेरिकी सैनिक नाटो (नार्थ अटलान्टिक ट्रीटी अर्गनाईजेशन)को देश र अन्य सहयोगी अफगानीस्तानसहित सबै देशबाट फिर्ता आउनेछन्’, टेलिभिजन सम्बोधनमा उनले भनेका छन् ।

समाचार एजेन्सी रोयटर्सका अनुसार अफगानिस्तानबाट कुल २ हजार ५ सय अमेरिकी सैनिक फिर्ता आउनेछन् । जुन प्रक्रिया आगामी मई १ देखि सुरु हुनेछ ।

सन् २००१ को सेक्टेम्बर ११ मा न्यूयोर्कको वल्ड ट्रेड सेन्टरमा आतंककारी आक्रमण भएको थियो । अलकायदामार्फत भएको उक्त आक्रमणपश्चात अमेरिकाले विभिन्न देशमा आफ्ना सैन्य तैनाथ गर्दै अलकायदाविरुद्व अप्रेसन छेडेको थियो । एजेन्सीकाे सहयाेगमा