हामी सबैकाे संसारन्यूज

कञ्चनपुर । कञ्चनपुरको भीमदत्त नगरपालिका–१९, बागफाँटा दशरथटोलबाट शुक्लाफाँटा राष्ट्रिय निकुञ्जमा च्याउ खोज्न गएका १४ जानै महिला सकुशल सम्पर्कमा आएका छन्।

उनीहरू साउन ३ गते बिहान करिब ११ बजे निकुञ्जभित्र च्याउ खोज्न प्रवेश गरेका थिए। साँझ ९ बजेसम्म पनि सम्पर्कमा नआएपछि परिवारका सदस्यले प्रहरीलाई जानकारी गराएका थिए।

त्यसपछि नेपाल प्रहरी, नेपाली सेना र स्थानीयवासीको संयुक्त टोली परिचालन गरी रातभर निकुञ्ज क्षेत्रमा खोजी अभियान सञ्चालन गरिएको थियो।

खोजी अभियानकै क्रममा सोमबार दिउँसो करिब १ः१० बजे सम्पर्कविहीन भएका सबै १४ जना महिला सकुशल सम्पर्कमा आएको प्रहरीले जनाएको छ।

उनीहरू सुरक्षित अवस्थामा फेला परेपछि परिवारका सदस्य र स्थानीयवासीले राहतको महसुस गरेका छन्। प्रहरीले उनीहरू सकुशल फेला परेको पुष्टि गर्दै घटनाबारे थप विवरण संकलन भइरहेको जनाएको छ।