Sansar News
२ बैशाख, काठमाडौं । पछिल्लो २४ घण्टामा देशैभरी गरिएको ३,५८८ पिसीआर र ५६४ ऐन्टिऐजिन परीक्षणमा ५३४ जनामा कोरोना संक्रमण पुष्टि भएको छ ।
आज थपिएका ५३४ जनासँगै नेपालमा हालसम्म कोरोनाबाट संक्रमित हुनेको संख्या २ लाख ८२ हजार ५४ पुगेको छ ।
त्यसैगरी आज देशैभरी १५७ जना कोरोना संक्रमणबाट मुक्त भएका छन् । आज निको भएका १५७ जनासँगै नेपालमा कोरोना संक्रमणबाट मुक्त हुनेको संख्या २ लाख ७४ हजार ६०४ रहेको छ । कोरोना संक्रमणबाट निको हुनेको दर ९७.४ प्रतिशत हो ।
त्यस्तै पछिल्लो २४ घण्टामा प्राप्त रिर्पोट अनुसार ५ जना र २४ घण्टाभित्र निधन भएका ५ जनासहित आज १० जनाको निधन भएको विवरण स्वास्थ्य मन्त्रालयले उपलब्ध गराएको छ । पछिल्लो २४ घण्टामा थपिएका १० सहित नेपालमा कोरोना संक्रमणबाट निधन हुनेको संख्या ३०६६ पुगेको छ ।
त्यस्तै देशैभरी सक्रिय संक्रमितको संख्या ४,३८४ रहेको छ भने ६८ जना क्वारेन्टिनमा रहेका छन् ।
नेपालमा हालसम्म देशैभरी पिसीआर प्रविधिबाट २३ लाख २९ हजार ५४७ कोरोनाका नमुना परीक्षण गरिएको छ ।
वि.सं.२०७८ वैशाख २ बिहीवार १७:०३ मा प्रकाशित
