Logo
११ असार २०७९, शनिबार
     Sat Jun 25 2022
E-paper
  English Edition
   Unicode
Logo

ओलीलाई हटाउन केन्द्रदेखि तलसम्मै समिकरणको प्रयास



वैशाख २, काठमाडौं । प्रधानमन्त्री केपी शर्मा ओलीलाई हटाउन केन्द्रदेखि तलसम्मै समिकरणको प्रयास भएको छ । नेपाली कांग्रेस, नेकपा (माओवादी केन्द्र) र जनता समाजवादी पार्टीबीच तलसम्मकै समिकरणको बारेमा छलफल चलेको हो ।

स्रोतका अनुसार केन्द्रमा प्रधानमन्त्रीदेखि प्रदेशमा मुख्यमन्त्री हेरफेरबारे प्याकेजमै सहमतीको प्रयास भईरहेको छ । केन्द्रमा केपी शर्मा ओलीलाई प्रधानमन्त्रीबाट हटाउँदै प्रदेशमा ओली निकटका मुख्यमन्त्रीलाई विस्थापन गर्ने र नयाँ सरकार बनाउनेबारे प्याकेजमा नै छलफल चलिरहेको छ ।

निकटस्थका अनुसार गण्डकी प्रदेशमा दर्ता गरिएको अविश्वासको प्रस्ताव सुरुवाती हो । तीन दलबीच लुम्बिनी प्रदेश र कर्णाली प्रदेशको विषयमा पनि मोटामोटी सहमती भईसकेको छ । जनाइएअनुसार गण्डकीमा कांग्रेसले नेतृत्व गर्ने र लुम्बिनीमा माओवादी केन्द्रले नेतृत्व गर्ने सहमती भएको छ ।

त्यसैगरि अल्पमतमा परेको कर्णाली प्रदेशका मुख्यमन्त्री महेन्द्रबहादुर शाहीलाई कांग्रेसले सहयोग गर्ने सहमती भएको छ ।

दलहरुबीच ओलीको ठाउँमा कांग्रेसका सभापति शेरबहादुर देउवालाई अगाडि बढाउने छलफल चलिरहेको निकटस्थले बताएका छन् । जहाँ जसपाले भने डा. बाबुराम भट्टराईलाई पनि अगाडि सार्न सकिने बताइरहेकाे छ ।

तथापी जसपा सरकारमा जाने विषयमा भने विभाजित रहेको बताइएको छ । जनाइएअनुसार जसपाकाे महन्थ ठाकुर (पूर्व राजपा) समूह भने केहि अलमलको कुरा गरिरहेको छ । ठाकुर समूह यसअघि पनि पटक–पटक ओलीसँग सहकार्य गर्ने बारे बेग्लै छलफलमा जुटेको थियो । तर, जसपाकाे बहुमत समूह ओली इतरसँग सहकार्य गर्नुपर्ने अडानमा छ ।

निकटस्थका अनुसार केन्द्रदेखि तलसम्मै तीन दलसँग सहकार्यकाे लागि राष्ट्रिय जनमाेर्चाले पनि चाँसाे देखाएकाे छ । दलहरूबीच कतिपय प्रदेशमा निर्णायक मतमा देखिएकाे राजमाेलाई सम्मानपुर्वक अगाडि बढाउने विषयमा छलफल चलिरहेकाे बताइएकाे छ ।

सम्बन्धित समाचार

माओवादीका प्रदेश प्रमुखले एमालेका मुख्यमन्त्रीलाई सघाएपछि…

अविश्वासको प्रस्ताव छल्न मुख्यमन्त्री गुरुङले मध्यरातमै गरे प्रदेशसभा अधिवेशनको अन्त्य

गण्डकी प्रदेशका मुख्यमन्त्री गुरुङविरुद्ध अविश्वास प्रस्ताव दर्ता


यो खबर पढेर तपाईलाई कस्तो महसुस भयो ?

कास्की । गएरातिदेखि परेको अविरल वर्षाका कारण पोखरा महानगरपालिका-२५ हेम्जाका ३०० भन्दाबढी घर डुबानमा

मनहरी तिमिल्सिना । शुक्रबार एक सार्वजनिक कार्यक्रममा पूर्वप्रधानमन्त्री एवं नेकपा एमालेका अध्यक्ष केपी शर्मा

लुम्बिनी । बुटवल उपमहानगरपालिकाले आर्थिक वर्ष २०७९÷०८० का लागि रु दुई अर्ब ३५ करोडको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा