Logo
२५ श्रावण २०७९, बुधबार
     Wed Aug 10 2022
E-paper
  English Edition
   Unicode
Logo

माओवादीका प्रदेश प्रमुखले एमालेका मुख्यमन्त्रीलाई सघाएपछि…



वैशाख २, काठमाडौं । नेकपा (माओवादी केन्द्र) र राष्ट्रिय जनमोर्चाले समर्थन फिर्ता लिएसँगै गण्डकी प्रदेशका मुख्यमन्त्री पृथ्वीसुब्बा गुरुङको सरकार स्पष्ट रुपमै अल्पमतमा परेको थियो । नेकपा (एमाले)भित्रको आन्तरिक किचलो र माओवादी र जनमोर्चाको समर्थन फिर्तासँगै गुरुङको सत्ता जोगिने अवस्था थिएन । तर, गुरुङले भीरको डिलमा झुण्डिन पुगेको सत्तालाई प्रदेश प्रमुखको सहायतले तत्कालका लागि जोगाएका छन् ।

बिहिबार आफुँविरुद्व अविश्वासको प्रस्ताव आउने स्पष्ट भएसँगै उनले प्रदेश प्रमुख अमिक शेरचनको सहयोगमा प्रदेश सभा अधिवेशनको अन्त्य गराउँदै सरकार जोगाएका हुन् । अधिवेशन अन्त्यसँगै तत्कालका लागि गुरुङको सत्ता जोगिएको छ ।

अधिवेशन अन्त्य नै संशयमा

मुख्यमन्त्री गुरुङले बुधबारसम्म पनि आफुँविरुद्व अविश्वासको प्रस्ताव आए सहज रुपमै सामना गर्ने बताएका थिए । उनले लोकतान्त्रिक परिपाटीमा सबै कुरा सम्भव हुने पनि बताएका थिए ।

तर, अविश्वासको प्रस्ताव दर्ताको लागि विपक्षी दलहरुबीच तयारी भईरहेका बेला बिहिबार अचानक बुधबारको मितिमा प्रदेश सभा अधिवेशन अन्त्यको सूचनाले सशंय पैदा गराएको छ । साथै अधिवेशन अन्त्य गराएका प्रदेश प्रमुख अमिक शेरचन सम्पर्क विहिन हुनुले प्रश्न पनि उब्जाएका छन् ।

अनौठो त, माओवादी केन्द्रबाट प्रदेश प्रमुख बनेका शेरचनले एमालेको सत्ता जोगाउन रातारात किन सहयोग गरे ? किन बिहिबार बिहानसम्म पनि विपक्षी दलहरुले अधिवेशन अन्त्यको सूचना पाएनन् ? धेरैले अधिवेशन अन्त्यको झटपट निकालिएको सूचनालाई नै सशंयका रुपमा हेरेका छन् ।

जोगिने अवस्थामा थिएन गुरुङको सरकार

६० सदस्यीय प्रदेश सभामा नेकपा (एमाले)का २७ सांसद थिए । १३ सांसद रहेको माओवादी केन्द्र र तीन सांसद रहेको राष्ट्रिय जनमोर्चाले समर्थन फिर्ता लिएसँगै एमाले स्वतः अल्पमतमा पुगेको थियो ।

समर्थन फिर्तासँगै माओवादी केन्द्रले १५ सांसद भएको नेपाली कांग्रेसलाई सत्ता निर्माणमा सहयोग गर्ने निर्णय गरेको थियो । कांग्रेस, माओवादी केन्द्र, जसपा र जनमोर्चाको समिकरणसँगै सत्ता निर्माणका लागि आवश्यक बहुमत स्पष्ट बनेको थियो । विपक्षी दलहरुबीच समिकरणसँगै अल्पमतमा पुगेको एमाले सरकार जोगिने कुनै सम्भावना थिए ।

स्मरणरहोस् एमाले आफैं विभाजित छ । जहाँ माधव कुमार नेपाल पक्षका सांसदहरु मुख्यमन्त्री गुरुङलाई सहयोग गर्ने पक्षमा छैनन् ।

सम्बन्धित समाचार

अविश्वासको प्रस्ताव छल्न मुख्यमन्त्री गुरुङले मध्यरातमै गरे प्रदेशसभा अधिवेशनको अन्त्य


यो खबर पढेर तपाईलाई कस्तो महसुस भयो ?

काठमाडौं । स्थानीय निर्वाचनमा जस्तै प्रदेश र प्रतिनिधिसभा चुनावमा पनि एमाले एक्लो हुने भएको

काठमाडौं । बझाङको बुङगल नगरपालिका ९ रारुमा एकै परिवारका तीन आमाछोरा र छोरी झुण्डिएको

काठमाडौं । सवारी चालक अनुमति पत्र (लाइसेन्स)को लागि लिइने परीक्षामा ७० अंक ल्याए पास

काठमाडौं । काठमाडौंको मुटु मानिने थापाथलीमा रहेको नर्भिक अस्पतालले एक रोपनी ८ आना १