हामी सबैकाे संसारन्यूज

२ वैशाख, काठमाडौं । एनएमबि बैंक र अनलाइन मञ्च दराजबीच सम्झौता भएको छ । बैंकले ग्राहक केन्द्रित नयाँ योजनाअन्तर्गत विभिन्न ब्रान्डेड स्टोरमा सामान खरिद गर्दा १५ प्रतिशतसम्म छुट प्रदान गर्न दराजसँग समझदारी गरेको हो ।

उक्त सम्झौता अनुसार एनएमबिका डेविट कार्ड धारक ग्राहकहरुले दराज एपबाट सामान खरीद गर्दा १५ सय वा एक हजारसम्म क्रेडिट कार्ड धारक ग्राहकहरुले २ हजार देखि १५ सयसम्म छुट पाउने छन्।

बैंकले निकट भविष्यमा विभिन्न थप ब्रान्डसँग सहकार्य गरिने बताएको छ । बैंकले हाल १८० शाखा, १३६ एटीएम, ९ एक्सटेन्सन काउन्टरबाट बैंकिङ सेवा दिँदै आएको छ ।