Sansar News
२ बैशाख, काठमाडौं । कोरोना संक्रमणबाट पर्वतका ३८ वर्षीय पुरुषको निधन भएको छ ।
बुटवलको कोरोना विशेष अस्पतालमा उपचार गराइरहेका पैयुँगाउँपालिका ५ का उनको बुधबार बेलुका ६ः२० मा निधन भएको अस्पतालका प्रवक्ता डा. विष्णु गौतमले जानकारी दिएका छन् ।
भारतको दिल्लीबाट १२ दिनअघिमात्रै फर्किएका उनमा उच्च ज्वरो आएपछि स्वाव परीक्षण गर्दा कोरोना संक्रमण पुष्टि भएको थियो । उनी निमोनिया र खोकीले ग्रसित थिए ।
मृतककी आमा र श्रीमतीमा कोरोना परीक्षण गर्दा नेगेटिभ आएको बताइएको छ ।
वि.सं.२०७८ वैशाख २ बिहीवार १३:३५ मा प्रकाशित
