Sansar News
ध्रुवराज थापा ‘पुरुष’
काभ्रे, पनौती हाल: कपन, काठमाडौं
१.
हे सुकुम्बासी
गाउँ छोडि सहर
हुकुमबासी ।
२.
दयाकी खानी
सेवा अनि मुस्कान
हे नर्स नानी ।
३.
व्रत बसेर
आत्म शुद्धि नभए
गयो है खेर ।
४.
योग गरेर
हुनुपर्छ निरोगी
भलो गरेर ।
५.
जग हाँसेको
गतिविधि सांसद
भत्ता पचेको ।
६.
लजायो लाज
संसदमा रमिता
देखियो आज ।
७.
घामट नेता
प्रदुषण छरेर
बिगार्छ त्यता ।
८.
नेता हरामी
निकास नै दिदैनन्
पार्यो बिरामी ।
९.
कस्ता छानियो
घामटै पो परेछन्
ऐले जानियो ।
१०.
गर्यौं विश्वास
बदलामा मौनता
रैछ बक्बास ।
वि.सं.२०८३ जेठ २३ शनिवार ०७:०८ मा प्रकाशित
