Sansar News
सतीश पण्डित
भानु – ६ चुँदी , तनहुँ
१.
हारलाई राख साहासमा
फर्किन्छ सफलता पक्कै
विश्वास राख प्रयासमा।
२.
झुटा मिठा भाषणमा
देश बन्दैन कहिल्यै
बन्छ केवल शासनमा।
३.
दुःखलाई राख गीतमा
मन हलुङ्गो हुन्छ
पीडा पोखे प्रीतमा।
४.
भाग्य खोज्दै सहरमा
आफ्नै गाउँ सम्झिन्छ
एक्लै हुँदा रहरमा।
५.
भोकै पेट मुस्कानमा
बाँचिरहेछन् है मान्छे
आशा बोकी जहानमा।
६.
मनका चोट पीडमा
सितिमिति रुँदैन मान्छे
आँसु झारी भीडमा।
७.
रिसले पोल्छ मनमा
राखौँ ख्याल सबैले
शान्ति बस्छ जीवनमा।
८.
बसेमा अहङ्कारको भरमा
कोही पनि टिक्दैन
समयको त्यो दरमा।
९.
सत्य बोल्ने ओठमा
हार कहिल्यै छैन
झुटा कुरा नोटमा।
१०.
फूल फुल्छ बारीमा
माया पलाउँछ दिलको
सफा सरल नारीमा।
वि.सं.२०८३ जेठ २३ शनिवार ०७:१८ मा प्रकाशित
