Sansar News
एक नारायण चापागाईँ,दाङ
अनुभूति नयाँ के छ कि चिन्तन छ पुरानै
सुन्दै छु म तिम्रा पनि गनथन छ पुरानै
फर्केर तिमी आऊ कुनै दिन त यो घरमा
सब याद यहाँ आउँछ आँगन छ पुरानै
यो दीप बलेको छ भरोसामा कसैको
चल्दै छ हुरी तेजले बन्धन छ पुरानै
सुध्रेन अझैसम्म छ मेरो त गुनासो
यसले छ गरेको क्षति अड्चन छ पुरानै
कसले पो लगाए छ कुरा खै तिमीसङ्ग
लाग्दैन तिमीलाई उही मन छ पुरानै
बहर : हजज मुसम्मन अखरब मक्फुफ महजुफ
अर्कान : मफ्ऊलु मफाईलु मफाईलु फऊलुन्
वजन : २२१ – १२२१ – १२२१ – १२२
काफिया : अन
रदिफ : छ पुरानै
अभ्यास : स्वर्ग पाठशाला
वि.सं.२०८३ जेठ २३ शनिवार ०७:०३ मा प्रकाशित
