Sansar News
रमा खतिवडा, पोखरा
आज उसले मन पगाल्यो के हुने हो
मन तरल भै बग्न थाल्यो के हुने हो
मन्द हाँसो प्यारका छन् बात मीठा
बातले तारा खसाल्यो के हुने हो
सोचियो के हुन्छ अर्कै जिन्दगीमा
पोखियो मन झन् समाल्यो के हुने हो
बैगुनी हो डस्छ उसले बुझ्नुपर्छ
जानी जानी सर्प पाल्यो के हुने हो
देखिएनन् कर्म जसले गर्छ राम्रो
खोजी खोजी खत निकाल्यो के हुने हो
बहर : रमल मुसद्दस सालिम
अर्कान : फाइलातुन् , फाइलातुन् , फाइलातुन्
वजन : २१२२ – २१२२ – २१२२
काफिया : आल्यो
रदिफ : के हुने हो
अभ्यास : पारिश्रमी पाठशाला
वि.सं.२०८३ जेठ २३ शनिवार ०७:०० मा प्रकाशित
