Sansar News
वैशाख ३, काठमाडौं । प्रधानमन्त्री केपी शर्मा ओलीले सर्वदलीय बैठक बोलाएका छन् । प्रधानमन्त्रीका प्रेस सल्लाहकार सुर्य थापाका अनुसार प्रधानमन्त्रीले सरकारी निवास बालुवाटारमा शनिबार बिहान ११ बजेका लागि सर्वदलीय बैठक बोलाएका हुन् ।
जनाइएअनुसार बैठकमा संसद अधिवेशन, कोरोना महामारी रोकथाम तथा नियन्त्रणलगायतका विषयमा छलफल गर्न बैठक बोलाएका हुन् ।
शुक्रबार मात्रै ललितपुरको कोन्ज्योसोम गाउँपालिका पुगेका नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफुँलाई प्रधानमन्त्री ओलीले फोन गरेको बताएका थिए । उनले आफुँलाई छलफलका लागि बोलाएको बताएका थिए ।
वि.सं.२०७८ वैशाख ३ शुक्रवार १४:५० मा प्रकाशित
