हामी सबैकाे संसारन्यूज

३ बैशाख, काठमाडौँ । स्थानीय निकायहरुलाई जिल्ला कोभिड-१९ संकट व्यवस्थापन केन्द्र (डीसीसीएमसी) को समन्वयमा विद्यालय बन्द गर्ने वा नगर्ने भन्नेबारे निर्णय लिनको लागि शिक्षा तथा विज्ञान प्रविधि मन्त्रालय अनुरोध गरेको छ । पछिल्लो समय कोरोना संक्रमण उच्च हुदै गएकाले मन्त्रालयले स्थानियतहहरुमा यस्तो अनुरोध गरेको हो ।

शुक्रबार मन्त्रालयमा शिक्षामन्त्री कृष्णगोपाल श्रेष्ठको उपस्थितिमा भएको पछिल्लो संक्रमणको अवस्थाबारेको अन्तरक्रियामा आवश्यकता अनुसार आपसि समन्वयनमा विद्यालय बन्द गर्न अनुरोध गरेको हो । पछिल्लो समय विशेषगरी विद्यालयमा संक्रमणको जोखिम उच्च देखिन थालेको छ भने विद्यालय जाने उमेरका बालबालिकाहरुमा संक्रमण बढी देखिन थालेको छ ।

स्वास्थ्य तथा जनसंख्या मन्त्रालयले एक महिना शिक्षण संस्था बन्द गर्न सुझावसहित एसअघि नै सिफारिस गरेकोमा सीसीएमसी र मन्त्रिपरिषदमा उक्त सुझावबारे छलफल भए पनि निर्णय हुन सकेको छैन ।