Sansar News
वैशाख ६, काठमाडौं । राष्ट्रपति विद्यादेवी भण्डारीले प्रतिनिधिसभाको जारी अधिवेशन अन्त्य गरेकी छिन् ।
मन्त्रिपरिषदको सिफारिसमा भण्डारीले सोमबार अपरान्ह १ बजेदेखि अधिवेशन अन्त्य गरेकी हुन् । सोमबार बिहान बसेको मन्त्रिपरिषद बैठकले जारी संसद अधिवेशन अन्त्य गर्न राष्ट्रपतिसमक्ष सिफारिस गर्ने निर्णय गरेको थियो ।
‘नेपालको संविधानको धारा ९३ को उपधारा (२) बमोजिम नेपाल सरकार, मन्त्रिपरिषद्को मिति २०७८/१/६ को सिफारिसमा प्रतिनिधिसभाको चालु अधिवेशन संवत् २०७८ साल वैशाख ६ गते सोमबारका दिन अपरान्ह १:०० बजेदेखि अन्त्य गरेको छ,’ राष्ट्रपति भण्डारीले प्रतिनिधिसभालाई पठाएको पत्रमा उल्लेख छ।
वि.सं.२०७८ वैशाख ६ सोमवार ११:४३ मा प्रकाशित
