हामी सबैकाे संसारन्यूज

वैशाख ६, काठमाडौं । अमेरिकाले निकै लामो समयदेखि चलाईरहेको अफगानिस्तान मिसन बन्द गर्ने घोषणा गरेको छ । घोषणाअनुसार आगामी २०२१ सेक्टेम्बरसम्म सबै अमेरिकी सैन्य अफगानिस्तानबाट फिर्ता भईसक्नेछन् ।

अमेरिकाले अफगानिस्तानबाट सैन्य मिसन फिर्ता लैजाँदै गर्दा विश्व राजनीतिमा धेरै प्रश्नहरु उब्जीएका छन् । पश्चिमी एसिया हेर्न राखिएको अफगानिस्तान मिसन अमेरिकाले किन एकाएक फिर्ताको निर्णय लियो ? फिर्ता सैन्य शक्तिलाई अमेरिकाले कहाँ केन्द्रीत गराउँदैछ ?

अमेरिकी विदेश मन्त्री एंटनी ब्लिंकनले यसबारे विशेष खुलासा गरेका छन् । आइतबार ब्लिंकनले आगामी नयाँ मिसनको लागि अफगानिस्तानबाट सैन्य शक्ति फिर्ताको निर्णय निकै महत्वपूर्णं भएको बताए । उनले अफगानिस्तानबाट फिर्ता हुने शक्ति नयाँ ठाउँमा केन्द्रीत हुने पनि खुलासा गरेका छन् ।

ब्लिंकनका अनुसार अफगानिस्तानबाट फिर्ता हुने मुख्य सैन्य शक्ति दक्षिण चीन सागरमा तैथान हुनेछ ।

हाल चीनले दक्षिण चीन सागरमा आफ्नो भूमिकालाई बढाईरहेको छ । अमेरिकाले जापान, कोरिया, अष्ट्रेलिया र भारतसहितका देशसँग मिलेर दक्षिण चीन सागरमा आफुँलाई अगाडि बढाउन चाहिरहेको छ ।

यसअघि अमेरिकाले उक्त क्षेत्रमा संयुक्त सैन्य अभ्यास पनि सञ्चालन गरेको थियो । चीनले भने उक्त क्षेत्र आफ्नो अधिकारभित्रको क्षेत्र भएको बताउँदै अन्य शक्तिलाई प्रवेशमा अवरोध गर्दै आएको छ । हाल उक्त क्षेत्रमा चीनले निकै ठूलो सैन्य शक्ति पनि परिचालन गरेको छ । एजेन्सीको सहयोगमा