वैशाख ८, काठमाडौं । नेकपा (माओवादी केन्द्र)ले सरकारलाई दिएको समर्थन फिर्ताको निर्णय गर्ने अधिकार पार्टी अध्यक्ष पुष्पकमल दाहाल ‘प्रचण्ड’लाई दिएको छ । बुधबार बसेको माओवादी केन्द्रको स्थायी समिति बैठकले चर्चामा रहिरहेको समर्थन फिर्ताबारे यस्तो निर्णय गरेको हो ।
पार्टी प्रवक्ता नारायणकाजी श्रेष्ठका अनुसार सरकारलाई दिएको समर्थन फिर्ताबारे निर्णय गर्ने अधिकार बैठकले प्रचण्डलाई दिएको छ । प्रचण्डले उपयुक्त समयमा सरकारबारेको निर्णय गर्ने उनले जनाए ।
उनका अनुसार माओवादी केन्द्रले सरकारबाट व्यवहारिक रुपमा समर्थन फिर्ता लिईसकेको भएपनि औपचारिक जानकारी गराउन बाँकी छ । उक्त निर्णय उपयुक्त समयमा हुनेछ ।
वि.सं.२०७८ वैशाख ८ बुधवार १६:०५ मा प्रकाशित