Sansar News
१० बैशाख, काठमाडौं । पछिल्लो २४ घण्टामा देशैभरी गरिएको ८ हजार ७९८ पिसीआर र ८६६ ऐन्टिऐजिन गरी ९,६६४ नमुना परीक्षणमा २,५५९ जनामा कोरोना संक्रमण पुष्टि भएको छ ।
आज थपिएका २५५९ जनासँगै नेपालमा हालसम्म कोरोनाबाट संक्रमित हुनेको कूल संख्या २ लाख ९४ हजार ६०१ पुगेको छ ।
त्यसैगरी आज देशैभरी ४१० जना कोरोना संक्रमणबाट मुक्त भएका छन् । आज निको भएका ४१० जनासँगै नेपालमा कोरोना संक्रमणबाट मुक्त हुनेको संख्या २ लाख ७६ हजार ७५५ रहेको छ । कोरोना संक्रमणबाट निको हुनेको दर ९३.९ प्रतिशत हो ।
त्यसैगरि पछिल्लो २४ घण्टामा कोरोनाको कारण ५ जनाको निधन भएको स्वास्थ्य मन्त्रालयले जनाएको छ । आज थपिएका ५ जनासँगै कोरोनाबाट मृत्यु हुनेको संख्या ३ हजार १ सय २२ पुगेको छ ।
नेपालमा हालसम्म पिसीआर प्रविधिबाट २३ लाख ८८ हजार २०० कोरोनाका नमुना परीक्षण गरिएको छ ।
मन्त्रालयका अनुसार नेपालमा हालसम्म १९ लाख ७८ हजार २३९ जनाले कोरोनाविरुद्धको खोप लिएका छन् ।
वि.सं.२०७८ वैशाख १० शुक्रवार १६:४० मा प्रकाशित
