हामी सबैकाे संसारन्यूज

१३ बैशाख, काठमाडौं । नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले जनताको स्वास्थ्यमा खेलवाड नगरी उच्च प्राथमिकताका साथ सबै स्थानीय निकायमा स्वास्थ्य उपकरण र समाग्रीको अनुचित व्यवस्था गर्न सरकार समक्ष आग्रह गरेका छन् ।

विश्व व्यापी कोरोना महामारीको दोस्रो लहर नेपालमा फैलिइसकेको र त्यसले देशै आक्रान्त बनाएको अवस्थामा स्वास्थ्य सेवालाई प्रभावकारी बनाई जनतालाई राहत दिन केन्द्रीत हुनुको साटो वर्तमान सरकार शिलान्यास र उद्घाटनमा केन्द्रीत भएको भन्दै टिप्पणी गरेका अध्यक्ष प्रचण्डले यस्तो आचारणले अप्ठ्यारो दिनको सामना गनुपर्ने त होइन भन्ने नेपाली जनसमुदायमा आशंका बढाएको बताएका छन् ।

‘म सरकारसँग जनताको स्वास्थ्यमा खेलवाड नगर्न तथा उच्च प्राथमिकताका साथ सबै स्थानीय निकायमा स्वास्थ्य उपकरण र सामग्रीको समुतित व्यवस्था मिलाउन विशेष आग्रह गर्दछु,’ अध्यक्ष प्रचण्डले भनेका छन्, ‘महामारीको सबैभन्दा बढी मार श्रमजीवी जनसमुदायलाई पर्ने भएकाले उनीहरुको लागि खाद्यान्न तथा विशेष सहयोगको व्यवस्था मिलाउन सरकारका साथै निजी क्षेत्र समक्ष अपिल गर्दछु ।’