हामी सबैकाे संसारन्यूज

१५ बैशाख, काठमाडौं । एनआइसी एशिया बैंकले चालु आर्थिक वर्ष २०७७/७८ को वित्तिय विवरण सार्वजनिक गरेको छ । यो आर्थिक वर्षको तेस्रो त्रैमाससम्ममा बैंकले खुद नाफामा २०.०७ प्रतिशतले बृद्धि गरेको छ ।

गत आवको चैत्र मसान्तसम्ममा २ अर्ब ५० करोड रुपैयाँ नाफा आर्जन गरेको बैंकले चालु आर्थिक वर्षको सोही अवधिमा ३ अर्ब ४८ लाख रुपैयाँ नाफा आर्जन गरेको छ । जुन गत आर्थिक वर्षको तुलनामा २०.०७ प्रतिशत अर्थात ९८ करोडले बढि हुन आउछ ।

बैंकले नाफाको साथसाथै समीक्षा अवधिमा खुद ब्याज आम्दानीमा पनि बृद्धि गरेको छ । बैंकले चालु आर्थिक वर्षको समीक्षा अवधिमा ६ अर्ब ५८ करोड रुपैयाँ ब्याज आम्दानी गरेकाे छभने गत आर्थिक वर्षको सोही अवधिमा यस्तो आम्दानी ५ अर्ब ५२ करोड रुपैयाँ आर्जन गरेको थियो ।

यसअवधिमा बैंकको प्रतिसेयर आम्दानी ३४.८७ रुपैयाँ, मूल्य आम्दानी अनुपात २७.८२ रुपैयाँ, खराब कर्जा ०.४७ प्रतिशत, कस्ट अफ फण्ड ५.०३ प्रतिशत छभने सीसीडी रेसिया ८४.२१ प्रतिशत छ ।