हामी सबैकाे संसारन्यूज

१६ बैशाख, काठमाडौं । नविल बैंकले चालु आर्थिक वर्ष २०७७/७८ को तेस्रो त्रैमासको वित्तिय विवरण सार्वजनिक गरेको छ । बैंकले सार्वजनिक गरेको वित्तिय विवरण अनुसार बैंकले तेस्रो त्रैमाससम्ममा १६.५० प्रतिशतले नाफामा वृद्धि गरेको छ ।

बैंकले चालु आर्थिक बर्षको चैत्र मसान्तसम्ममा ३ अर्ब ६७ करोड रुपैयाँ खुद नाफा आर्जन गरेको छ । बैंकले गत आर्थिक वर्षको सोही अवधिमा ३ अर्ब १५ करोड रुपैयाँ खुद नाफा आर्जन गरेको थियो । जुन चालु आर्थिक वर्षको सोहि अवधिको तुलनामा ५२ करोड रुपैयाँले कम हुन आउछ ।

बैंकले यस अवधिमा ३ अर्ब ८० करोड २४ लाख रुपैयाँ वितरण योग्य मुनाफा आर्जन गरेको छ ।

बैंकले यस अवधिमा ३ अर्ब ८० करोड २४ लाख रुपैयाँ वितरण योग्य मुनाफा आर्जन गरेको छ । साथै बैंकले चालु आर्थिक वर्षको चैत मसान्तसम्ममा २ खर्ब ८ अर्ब ३३ करोड रुपैयाँ निक्षेप संकलन गरी १ खर्ब ८६ अर्ब १९ करोड रुपैयाँ कर्जा प्रवाह गरेको छ । जसबाट बैंकले ५ अर्ब ९ करोड ६९ लाख रुपैयाँ खुद ब्याज आम्दानी गरेको छ ।

यसैगरी, यस अवधिमा बैंकको खराव कर्जा अनुपात ०.४८ प्रतिशत, बेसरेट ६.१८ प्रतिशत, स्प्रेडरेट ३.२० प्रतिशत र पुँजी कोष अनुपात १२.२८ प्रतिशत रहेको छ ।