हामी सबैकाे संसारन्यूज

१५ बैशाख, काठमाडौं । गण्डकी प्रदेशमा थप २ जना कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार बागलुङ नगरपालिका ११ की ६१ वर्षीया कोरोना संक्रमित महिलाको मणिपाल अस्पताल पोखरामा उपचारका क्रममा मृत्यु भएको छ ।

बैशाख १० गते कोरोना संक्रमण पुष्टि भएकी उनको सोमबार राति १२ः१५ मा निधन भएको निर्देशनालयले जनाएको छ ।

त्यसैगरी गोरखा नगरपालिका १४ का ५५ वर्षीय कोरोना संक्रमित पुरुषको पनि उपचारका क्रममा मृत्यु भएको छ । बैशाख ८ गते कोरोना संक्रमण भइ भरतपुर अस्पताल चितवनमा उपचारका त्र mममा उनको मृत्यु भएको निर्देशनालयका प्रमुख डा. विन्दु शर्माले बताएका छन् ।

आज थपिएका २ जनासँगै प्रदेशमा कोरोना संक्रमणबाट ज्यान गुमाउनेको संख्या २१९ पुगेको छ ।