Sansar News
१७ बैशाख, काठमाडौं । पछिल्लो २४ घण्टामा देशैभरी ५ हजार ७३७ जना कोरोना संक्रमणका नयाँ विरामी थपिएका छन् ।
पछिल्लो २४ घण्टामा गरिएको १५,३९१ पिसीआर र ५२५ ऐन्टिजेन गरी १५ हजार ९१६ नमुना परीक्षणमा ५ हजार ७२७ जना संक्रमित थपिएका हुन् । विहीबारको तुलनामा शुक्रबार ८०९ बढी संक्रमति थपिएका हुन् ।
आज थपिएका ५,७२७ जनासँगै हाल कोरोना संक्रमितको संख्या ३ लाख २३ हजार १८७ पुगेको छ ।
त्यस्तै आज देशैभरी ९२८ जना निको भएका छन् । आज निको भएका ९२८ जनासँगै हालसम्म निको हुनेको संख्या २ लाख ८१ हजार ९५ पुगेको छ । निको हुनेको यो संख्या ८६.९ प्रतिशत हो ।
त्यसैगरी आज ३३ जना कोरोना संक्रमितको मृत्यु भएको छ । आज थपिएका ३३ जनासँग नेपालमा हालसम्म मृत्यु हुनेको संख्या ३२७९ पुगेको छ ।
स्वास्थ्य तथा जनसंख्या मन्त्रालयका अनुसार हाल क्वारेन्टिनमा ५५ जना रहेका छन् भने ३८ हजार ८१३ जना सक्रिय संक्रमित रहेका छन् ।
हालसम्म पिसीआर प्रविधिबाट २४ लाख ७३ हजार ९५६ नमुना परीक्षण गरिएको छ ।
त्यस्तै हालसम्म नेपालमा कोरोना भाइरसविरुद्धको खोप २० लाख ९१ हजार ५११ जनाले लगाएका छन् ।
कोरोना संक्रमणबाट पछिल्लो २४ घण्टामा ३५ जनाको मृत्यु, ४९२८ जना संक्रमित
वि.सं.२०७८ वैशाख १७ शुक्रवार १६:२५ मा प्रकाशित
