Sansar News
१८ बैशाख, काठमाडौं । पछिल्लो २४ घण्टामा देशैभरी ५ हजार ७६३ जना कोरोना संक्रमणका नयाँ विरामी थपिएका छन् ।
पछिल्लो २४ घण्टामा गरिएको १४,४०३ पिसीआर र ५६६ ऐन्टिजेन गरी १४ हजार ९६९ नमुना परीक्षणमा ५ हजार ७६३ जना संक्रमित थपिएका हुन् ।
आज थपिएका ५,७६३ जनासँगै हाल कोरोना संक्रमितको संख्या ३ लाख २८ हजार ८९३ पुगेको छ ।
त्यस्तै आज देशैभरी १२८७ जना निको भएका छन् । आज निको भएका १२८७ जनासँगै हालसम्म निको हुनेको संख्या २ लाख ८२ हजार ३८२ पुगेको छ । निको हुनेको यो संख्या ८५.९ प्रतिशत हो ।
त्यसैगरी आज १९ जना कोरोना संक्रमितको मृत्यु भएको छ । आज थपिएका १९ जनासँग नेपालमा हालसम्म मृत्यु हुनेको संख्या ३२९८ पुगेको छ ।
स्वास्थ्य तथा जनसंख्या मन्त्रालयका अनुसार हाल क्वारेन्टिनमा ६७ जना रहेका छन् भने ४३ हजार २१३ जना सक्रिय संक्रमित रहेका छन् ।
हालसम्म पिसीआर प्रविधिबाट २४ लाख ८८ हजार ३५९ नमुना परीक्षण गरिएको छ ।
त्यस्तै हालसम्म नेपालमा कोरोना भाइरसविरुद्धको खोप २० लाख ९१ हजार ५११ जनाले लिएका छन् ।
नेपालमा आज एकैदिन ५ हजार ७२७ जनामा कोरोना संक्रमण, ३३ जनाको मृत्यु
वि.सं.२०७८ वैशाख १८ शनिवार १७:११ मा प्रकाशित
