Sansar News
सन्सारन्युज, २२, वैशाख । राष्ट्रपति विद्यादेवी भण्डारीले मंगलवार ७ वटा अध्यादेश जारी गरेकै भोलिपल्ट फेरी अर्को रेल्वे अध्यादेश २०७८ जारी गरेकी छन् । जनकपुर जयनगरमा रेल सञ्चालनका लागि उक्त अध्यादेश जारी गरिएको हो ।
जनकपुर जयनगर रेल सञ्चालनका लागि भौतिक पुर्वाधार तथा यातायात मन्त्रालयले अध्यादेशको मस्यौदा निर्माण गरेको थियो भने केहि दिन अघिको मन्त्रिपरिषद बैठकले अध्यादेश राष्ट्रपतिसमक्ष प्रस्तुत गर्ने निर्णय गरेको थियो ।
अध्यादेशमा नेपाल सरकारले एक वा एक भन्दा बढी विदेशी राष्ट्रको भूमिसम्म वा विदेशी राष्ट्रले नेपालको भूमिसम्म वा नेपालको भूमि भएर अर्को विदेशी राष्ट्रमा जाने गरी रेल्वे सेवा सञ्चालन गर्ने व्यवस्था गरेको यातायात मन्त्रालय स्रोतले जनाएको छ ।
वि.सं.२०७८ वैशाख २२ बुधवार १५:०७ मा प्रकाशित
