Logo
३ भाद्र २०७९, शुक्रबार
     Fri Aug 19 2022
E-paper
  English Edition
   Unicode
Logo

हात्तीपीडित किसानलाई क्षतिपूर्ति रकम उपलब्ध गराउन सिफारिस



२६ माघ,कञ्चनपुर । जङ्गली हात्तीको समूहले क्षति पु¥याएका कञ्चनपुरका ९८ किसानलाई क्षतिपूर्ति रकम उपलब्ध गराउन सिफारिस गरिएको छ ।

कञ्चनपुर जिल्ला वन कार्यालयले उखु र गहुँबालीमा हात्तीले क्षति पु¥याएका पुनर्वासका ६८ र बेदकोट नगरपालिकाका ३० किसानलाई चालु आवमा क्षतिपूर्ति रकम उपलब्ध गराउन धनगढीस्थित क्षेत्रीय वन निर्देशनालयमा सिफारिस पठाएको हो ।

पुनर्वासका ६८ जनालाई क्षतिको मूल्याङ्नका आधारमा रु एक हजारदेखि रु १० हजारसम्म उपलब्ध गराउने गरी रु पाँच लाख ९८ हजार र बेदकोट नगरपालिकाका ३०० जनालाई रु तीन लाख क्षतिपूर्ति रकम उपलब्ध गराउनका लागि सिफारिस गरिएको कार्यालयका नायब सुब्बा ईश्वरीदत्त पाण्डेयले बताउनुभयो ।

क्षतिपूर्तिका लागि कार्यालयमा अझै १३३ जनाले दिएको निवेदनमाथि छानबिन भइरहेको जानकारी दिंदै उहाँले आव २०७२÷७३ मा पुनर्वास नगरपालिकाको धानबालीमा हात्तीले क्षति पु¥याएका ६४ जना किसानलाई क्षतिपूर्तिबापत रु तीन लाख ९३ हजार र आव २०७२÷७३ मा सोही नगरपालिकाका उखु र गहुँ बलीमा हात्तीले नोक्सानी गरेका ४५ जना किसानलाई रु तीन लाख नौ हजार ३०० क्षतिपूर्ति रकम उपलब्ध गराइएको थियो ।

कृषि सेवा कार्यालय, सामुदायिक वन र प्रहरीको मुचुल्काका आधारमा राहत सिफारिस वितरण समितिले क्षतिपूर्तिको मूल्याङ्कन गरी किसानलाई क्षतिपूर्ति रकम उपलब्ध गराउने व्यवस्था गरेको छ ।

यसैगरी, आव २०७२÷७३ मा हात्तीको आक्रमणमा परी ज्यान गुमाएका परासन–६ का गर्भुराम चौधरीका परिवारलाई रु तीन लाख २३ हजार र आव २०७३÷७४ मा हात्तीकै आक्रमणमा परी ज्यान गुमाएका सुन्दरीदेवी डगौराका परिवारलाई क्षतिपूर्तिबापत रु पाँच लाख रकम जिल्ला वन कार्यालयले उपलब्ध गराएको छ ।

भारतीय दूधुवा नेसनल पार्कबाट नेपाली बस्तीमा छिर्ने जङ्गली हात्तीको समूहले बर्सेनि यहाँका किसानको जीउधन र अन्नबालीको नोक्सानी गर्दै आएको छ ।

वन कार्यालयले ठाउँ ठाउँमा हात्ती भगाउनका लागि साइरन जडान गर्ने कार्यसँगै इलाका वन कार्यालयमार्फत जनचेतना फैलाउने कार्यसमेत अगाडि बढाएको छ ।

नेपाल प्रहरी, सशस्त्र प्रहरीको सहयोगमा वन कार्यालयले स्थानीय बासिन्दाको जीउधन र खेतीको सुरक्षाका लागि हात्ती भगाउने कार्यसमेत गर्दै आएको छ । रासस


यो खबर पढेर तपाईलाई कस्तो महसुस भयो ?

काठमाडौँ । वैदेशिक रोजगारीका लागि नेपाली युवा लाखौँ खर्चन बाध्य रहेको अवस्थामा मलेसियामा रहेको

दमौली । तनहुँको शुक्लागण्डकी नगरपालिका–२ कोत्रेस्थित गुहेखोलामा माछा मार्ने क्रममा करेन्ट लागेर बिहीबार बाबु–छोराको

काठमाडौं । आजको नेपाली बजारमा विदेशी मुद्राको भाउ यसप्रकार रहेकोछ । राष्ट्र बैंकको विदेशी