हामी सबैकाे संसारन्यूज

१४ जेठ, काठमाडौं । स्वास्थ्य तथा जनसंख्या मन्त्रालयले भेरी अस्पतालमा कार्यरत चिकित्सक तथा नर्सहरुमाथि भएको आक्रमण लज्जास्पद कार्य भएको भन्दै भत्र्सना गरेको छ ।

स्वास्थ्यकर्मीहरुलाई उच्च मनोबलका साथ आफ्नो पेशागत धर्म निभाउने वातावरण बनाइदिन अपिल गर्दै मन्त्रालयले कोभिड–१९ को विषम परिस्थितिमा पनि आफ्नो पेशागत मर्यादा नभूली काम गरिरहेका स्वास्थ्कर्मीमाथि सांघातिक हमला हुने खालका क्रियाकलाप दिनानुदिन बढ्दै जानु निकै लज्जास्पद भएको बताएको छ ।

‘नेपालगन्जका स्वास्थ्यकर्मीहरुमाथि गए राती भएको दुव्र्यवहारप्रति स्वास्थ्य तथा जनसंख्या मन्त्रालयको गम्भीर ध्यानाकर्षण भएको छ,’ मन्त्रालयद्धारा जारी विज्ञप्तिमा भनिएको छ,‘यसरी कहि कतै कसैले कुनैपनि बहानामा स्वास्थ्यकर्मीमाथि गर्ने उच्छ«ंखल तथा ग्रैहकानुनी अमानविय गतिबिधिहरुमा शून्य शहनसीलता राखी कोभिड १९ संकट व्यवस्थापन अध्यादेश २०७८, मुलुकी फौजदारी कार्यबिधि (संहिता) ऐन २०७२, स्वास्थ्यकर्मी तथा स्वास्थ्य संस्था सुरक्षासम्बन्धी ऐन २०६६ आदि अनुसार कडा भन्दा कडा कारबाहीको प्रबन्ध गरिदिनु हुन सबैमा अनुरोध छ ।’