Sansar News
जेठ १४, काठमाडौं । प्रतिनिधि सभा विघटनसम्बन्धी मुद्दामा बहस गर्न प्रधानन्यायाधीश चोलेन्द्र शमशेर राणाले कानून व्यावसायीहरुलाई टाइमकार्ड लागु गरेका छन् । उनले हरेक निवेदकका लागि १० मिनेटको समय निर्धारण गरेका छन् ।
बहसमा वरिष्ठ अधिवक्ताका लागि भने समय निर्धारण गरिएको छैन् ।
प्रतिनिधि सभा विघटनविरुद्व परेका ११ वटा रिट निवेदनमाथि सर्वोच्चको संवैधानिक इजलासमा शुक्रबारदेखि सुनुवाई सुरु भएको छ । बिहिबार प्रधानन्यायाधीश राणाको एकल इजलासले सबै रिटहरुको सुनुवाई संवैधानिक इजलासबाट गर्ने फैसला गरेका थिए ।
प्रधानन्यायाधीश राणाको नेतृत्वमा शुक्रबार गठित संवैधानिक इजलासमा न्यायाधीहरु दीपकुमार कार्की, आनन्दमोहन भट्टराई, तेजबहादुर केसी र बमकुमार श्रेष्ठ छन् ।
वि.सं.२०७८ जेठ १४ शुक्रवार १३:४६ मा प्रकाशित
