हामी सबैकाे संसारन्यूज

१४ जेठ, काठमाडौँ । गणतन्त्र दिवसको पूर्व सन्ध्यामा राष्ट्रपति विद्यादेवी भण्डारीले ४३० कैदीको कैद मिनाहा दिएकी छन् ।

१४ औं गणतन्त्र दिवसका अवसरमा मन्त्रिपरिषद्को सिफारिसमा   राष्ट्रपतिले डिल्ली लंवा लिम्बू ४३० कैदीको भुक्तान हुन बाँकी कैद कट्टा गरी माफी मिनाहा दिएको राष्ट्रपति कार्यालयले जनाएको छ ।

राष्ट्रपतिबाट नेपालको संविधानको धारा २७६ बमोजिम फौजदारी कसुर (सजाय निर्धारण तथा कार्यान्वयन) ऐन, २०७४ को दफा ३७, जेष्ठ नागरिक सम्बन्धी ऐन, २०६३ को दफा १२, सर्वोच्च अदालतको संयुक्त इजलासबाट मिति २०७७/४/१९ मा भएको परमादेश (रिट नं. ०७६(WO- ०९३९) को आदेश, मुलुकी अपराध संहिता, २०७४ को दफा ४५ को उपदफा (४) तथा बालबालिका सम्बन्धी ऐन, २०७५ को दफा ३६ को उपदफा (४) र फौजदारी कसूर (कैदकट्टा) नियमावली, २०७६ को नियम ३ बमोजिम उक्त मिनाहा दिएको राष्ट्रपतिको कार्यालयका सहायक प्रवक्ता केशवप्रसाद घिमिरेद्वारा  जारी  विज्ञप्तिमा जनाइएको छ ।