हामी सबैकाे संसारन्यूज

२१ जेठ, काठमाडौँ । अमेरिकाले नेपाललाई कोभिड १९ विरुद्धको कोभ्याक्स खोप उपलब्ध गराउने भएको छ ।

नेपालस्थित अमेरिकी दूतावासका अनुसार अमेरिकी राष्ट्रपती जो बाइडेनले संसारभर अमेरिकाले दिने कोभीड–१९ भ्याक्सीन सहयोगको घोषणा गर्ने क्रममा नेपाल लगायत एसियाका विभिन्न देशहरूका लागि झन्डै ७० लाख डोज कोभीड्–१९ भ्याक्सीन दिन लागिएको हो ।

नेपालले कति डोज खोप पाउने भन्नेबारे खुलाइएको छैन । अमेरिकाले नेपालसहित एसियाका विभिन्न १६ मुलुकलाई करिब ७० लाख डोज खोप दिने निर्णय गरेको छ ।

एशियाका विभिन्न १६ मुलुकलाई भ्याक्सीन उपलब्ध गराउने घोषणा गर्दै बाइडेनले सवै मिलेर भाइरसलाई पराजित गर्न सफल हुने विश्वास व्यक्त गरेको दूतावासले जनाएको छ ।

प्रधानमन्त्री केपी शर्मा ओलीले आफूहरूको अनुरोधलाई स्वीकार गरी खोप उपलब्ध गराउने निर्णय गरेको भन्दै अमेरिकालाई धन्यवाद दिएका छन् ।

सामाजिक सञ्जाल ट्विटरमार्फत उनले अमेरिकाको खोप उपलब्ध गराउने निर्णयले नेपाल र अमेरिकाबीचको सम्बन्ध थप बलियो हुने पनि बताएका छन् ।

We welcome the US decision to provide COVID-19 vaccines to Nepal. Thank you @POTUS, @VP for responding to our appeal for these precious life-saving doses! Nepal and Nepali people remain grateful. This reaffirms the strength of Nepal-US friendship.

— K P Sharma Oli (@kpsharmaoli) June 3, 2021

नेपालले कति डोज खोप पाउने भन्नेबारे खुलाइएको छैन । अमेरिकाले नेपालसहित एसियाका विभिन्न १६ मुलुकलाई करिब ७० लाख डोज खोप दिने निर्णय गरेको छ ।

परराष्ट्रमन्त्री प्रदीप ज्ञवालीले पनि सामाजिक सञ्जाल फेसबुकमा नेपाल कोरोनाविरुद्ध संघर्ष गरिरहेका बेला अमेरिकाले खोप उपलब्ध गराउने निर्णय गरेको भन्दै खुसी व्यक्त गरेका छन् । उनले राज्य सचिव एन्टोनी ब्लिनकेन र अमेरिकी जनताप्रति पनि आभार व्यक्त गरेका छन् ।