हामी सबैकाे संसारन्यूज

जेठ २१, काठमाडौं । जनता समाजवादी पार्टी (जसपा)को महन्थ ठाकुर समूह सरकारमा सहभागी भएसँगै तीन मन्त्रीको जिम्मेवारी खोसिएको छ ।

डा. शिवमाया तुम्बाहाङ्फे, जुली महतो र प्रेम आले मन्त्रालय विहिन भएका छन् । हालसम्म तुम्बाहाङ्फेले भूमि, व्यवस्था सहकारी तथा गरिबी निवारण मन्त्रालय, महतोले महिला, बालबालिका तथा जेष्ठ नागरिक मन्त्रालय र आलेले वन तथा वातावरण मन्त्रालयको जिम्मेवारी सम्हाल्दै आएका थिए ।

जिम्मेवारी खोसिएका उनीहरुलाई अरु कुनै मन्त्रालय दिने वा विदा गर्ने भन्ने चाहिँ प्रष्ट भएको छैन् । मन्त्रालय खोसिएकामा जुली महतो र प्रेम आले पहिलो संसद विघटनसँगै मन्त्री बनेका थिए ।

तुम्बाहाङफे कानून तथा संसदीय मामिला मन्त्रालयबाट भूमिमा सरुवा भएकी थिइन् । उनलाई तत्कालिन अवस्थामा मन्त्रीको लोभमा पूर्वउपसभामुख पदबाट राजीनामा दिन लगाइएको थियो ।

तीन वटा मन्त्रालय मध्ये भूमिमा लक्ष्मणलाल कर्ण, महिला, बालबालिकामा चन्दा चौधरी र वनमा एकवाल मियाँले जिम्मेवारी पाउने भएका छन् । महन्थ ठाकुर समूहलाई यसअघि माओवादी केन्द्रका नेताहरुले सम्हाल्दै आएको मन्त्रालयसहित थप तीन मन्त्रालय दिइएको हो ।