हामी सबैकाे संसारन्यूज

२३ जेठ, काठमाडौं । राउटे समुदायकी युवतीलाई होटलमा लगेर बन्द कोठामा अश्लिल क्रियाकलाप गर्ने व्यक्तिहरुलाई हदैसम्मको कारबाही गर्न दैलेखको गुराँस गाउँपालिकाले माग गरेको छ ।

गाउँपालिकाले यस्तो क्रियाकलापमा संलग्न गुर्भाकोट नगरपालिका वडा नं ९ भुल्केका चमन घर्ती(जोगी), भुपेन्द्र बुढा र होटल संचललक विनोद पुनलाई घटनाको वास्तविकता छानविन गरी कानुनको दायरामा ल्याइ हदैसम्मको कारबाहीका लागि माग गरेको छ ।

‘ कर्णाली प्रदेशको विभिन्न जिल्लाहरुमा बसोबास गर्दै हाल सुर्खेत जिल्लाको गुर्भाकोट नगरपालिका वडा नं ११ मा आँपसोती जनैघाटस्थित भेरी नदी किनारमा बस्दै आएका फिरन्ते जीवन वितारहेका राउटे समुदायका युवतीसँग एक होटलको बन्द कोठामा अश्लिल क्रियाकलाप गरेको भिडियो बिभिन्न संचारमाध्यममा र सामाजिक संजालमा सर्वजनिक भैरहेको प्रति गम्भीर ध्यानाकर्षण भएको छ,’ पालिकाका अध्यक्ष खेमराज ओलीद्धारा जारी विज्ञप्तिमा भनिएको छ,‘संचारमाध्यममा प्रकाशित समाचार अनुसार गुर्भाकोट नगरपालिका वडा नं ९ भुल्केका चमन घर्ती(जोगी), भुपेन्द्र बुढा र होटल संचललक विनोद पुनलाई घटनाको वास्तविकता छानविन गरी कानुनको दायरामा ल्याई हदैसम्मको कारबाहीका लागि जोडदार माग गर्दछौं ।’