हामी सबैकाे संसारन्यूज

२४ जेठ, दिल्ली । भारतमा आइतबार १ लाख १५९ हजार नयाँ कोरोना संक्रमित भेटिएका छन् । भारतमा केही दिनयता कोरोना संक्रमित हुनेको संख्या दिनहुँ घटिरहेको छ । आइतबार संक्रमित हुनेको यो संख्या ६२ दिनयताकै कमी रहेको समाचार ऐजेन्सीले जनाएका छन् ।

त्यसैगरी आइतबार त्यहाँ २४४४ जनाले ज्यान गुमाएका छन् । भारतमा कोरोना संक्रमणबाट प्रतिदिन ज्यान गुमाउनेको संख्खा कम हुँदै गएको छ । विगतको तुलनामा आइतबार ज्यान गुमाउनेको यो संख्या झण्डै २ हजारले कमी हो । भारतमा आइतबार १ लाख ७३ हजार जना कोरोना संक्रमणबाट मुक्त भएका छन् ।

भारतमा हालसम्म संक्रमित हुनेको संख्या २ करोड ८९ लाख पुगेको छ । ती मध्ये २ करोड ७१ लाख संक्रमण मुक्त भएका छन् भने ३ लाख ४९ हजारले ज्यान गुमाएका छन् । भारतमा हाल १३ लाख ९८ हजार सक्रिय संक्रमित रहेका छन् ।