Sansar News
स्याङ्जा, २४, बैशाख । हुलाक टिकटमा स्याङ्जाको आंधिखोलामा अवस्थित अन्धाअन्धी पर्यटकीय क्षेत्रको तस्वीर प्रकाशन हुने भएको छ । नेपाल सरकार मन्त्रीपरिषदको बैठकले सो क्षेत्रको तस्विरलाई हुलाक टिकटमा छाप्ने निर्णय गरेको हो ।
श्रवणकुमारले आफ्ना मातापितालाई तिर्थयात्रा गराउने क्रममा राजा दशरथको बांण लागेर अन्धाअन्धी क्षेत्रमा मृत्यु भएको पौराणिक कथाहरुमा उल्लेख गरिएको छ । दृश्य क्षमता नभएका मातापिताको पुत्र श्रवणकुमार मारिएपछी उनिहरुले राजा दशरथलाई श्राप दिएका थिए भन्ने भनाई रहेको छ ।
अन्धाअन्धी क्षेत्रको चित्रांकित हुलाक टिकट छापिएपछी सो क्षेत्रमा पर्यटनको थप विकास गर्न टेवा पुग्ने आंधिखोला गाउंपालिकाका अध्यक्ष सुधिर पौडेलले बताए । पौडेल अध्यक्षमा निर्वाचित भएसंगै पालिकाले अन्धाअन्धी क्षेत्रलाई प्राथमिकतामा राखेर काम गरिरहेको छ ।
वि.सं.२०७८ जेठ २४ सोमवार १४:२१ मा प्रकाशित
