Sansar News
१ असार, काठमाडौँ । पूर्वसांसद एवं नेपाली कांग्रेसका युवा नेता रामहरि खतिवडाले ओखलढुङ्गाका दुई अस्पताललाई १५ सिलिण्डर अक्सिजन सहयोग प्रदान गरेका छन । रुम्जाटार अस्पताललाई १० सिलिण्डर र रानीवन अस्पताललाई ५ सिलिण्डर अक्सिजन प्रदान गरिएको छ ।
त्यस्तै नेता खतिवडाले डा कल्याण शर्मा र पवन श्रेष्ठको सहयोगमा खिजिदेम्बा गाउँपालिकालाई एउटा अक्सिजन कन्सन्ट्रेर उपलब्ध गराउनुभएको छ । उनले कोरोना भाइरसको बढ्दो सङ्क्रमणबीच जिल्लालाई गरिएको उक्त सहयोगले सङ्क्रमण रोक्न सहयोग पुग्ने विश्वास व्यक्त गरेका छन ।
यसअघि जिल्लास्थित नेपाली सेनालाई उहाँले १३८ पिपिइ सेट र १० शव व्यवस्थापन गर्ने झोला तथा नेपाली प्रहरी र स्थानीय तहलाई मास्क, स्यानिटाइजरलगायत स्वास्थ्य तथा सुरक्षा सामग्री वितरण गरिसकेका छन ।
वि.सं.२०७८ असार १ मंगलवार १०:२५ मा प्रकाशित
