Sansar News
१ असार, काठमाडौँ । कर्मचारीहरुले सरकारले ल्याएको आव २०७८/२०७९ को बजेटलाई प्रतिगामी भनेका छन् ।
नेपाल राष्ट्रिय कर्मचारी महासंघले प्रेस विज्ञप्ति जारी गर्दै यो बजेट नेपाली जनताको पक्षमा नभएको भन्दै प्रतिगामी बजेट भनेको हो ।
‘घाटा बजेट पूर्ति गर्ने नाममा मुलुकको प्राकृतिक स्रोत साधन दोहन गरी विदेशमा निकासी गर्ने र नेपाललाई उजाड र मरुभूमिकरणको बाटोतिर डो¥याउने कार्यक्रमले सारमा यो बजेट मुलुक र नेपाली जनताको पक्षमा छैन र यो प्रतिगामी बजेट हो भन्दा अतिशयोक्ति नहोला’ महासंघका सहसंयोजकद्वय मोहनमान स्वाँर र मणिरत्न श्रेष्ठद्वारा जारी विज्ञप्तिमा भनिएको छ ।
अंशमा केही कर्मचारीको तलब बृद्धि, बद्ध भत्ता बृद्धि, बिमा र पर्यटन काजको सुविधा र विद्यार्थीलाई ऋणको व्यवस्था लगायतको केही सुविधा र सुधारहरु जस्ता देखिए पनि सारमा यो बजेट गुटबन्दी र ललिपपले भरिएको छ ।
नेपालको वर्तमान अवस्थाको संवैधानिक संकट, स्वास्थ्य संकट, एम.सी.सी ले पु¥याउन खोजेको राष्ट्रियताको संकट र अवैध तबरले आएको संघीय बजेट संकटप्रति संगठनको गम्भिर ध्यानाकर्षण भएको जनाइएको छ ।
विज्ञप्तिमा एमसीसी जस्तो राष्ट्रविरोधी सम्झौता यथास्थितिमा लागू गर्ने कार्यको घोर आपत्ति जनाउँदै नेपालको प्राकृतिक सम्पत्ति र विदेशी लगानी नेपाल र नेपाली जनताको हितमा उपयोग गर्ने नीति अवलम्बन गर्न सरकारसँग माग गरिएको छ ।
विज्ञप्तिको पूर्ण पाठ :
वि.सं.२०७८ असार १ मंगलवार १९:३२ मा प्रकाशित
