हामी सबैकाे संसारन्यूज

१ असार, काठमाडौँ । नारायणी नदीकाे देबघाट बाढी मापन केन्द्रमा जलसतहले खतरा तह पार गरेको गरेको छ ।

जल तथा मौसम विज्ञान विभाग मौसम पूर्वानुमान महाशाखाले साँझ ६ बजे सार्वजनिक गरेको सूचना अनुसार नारायणी नदी देबघाट बाढी मापन केन्द्रमा जलसतह खतरा तह पार गरेको र बढ्दो क्रममा रहेको छ । देवघाट स्टेशनमा भारी वर्षा भएकाले नारायणी नदि वरपरका क्षेत्रमा खतराको संकेत स्वरुप साइरन बजाइएको छ ।

महाशाखाले उक्त नदी तटिय क्षेत्र लगायत त्रिवेणी तथा सुस्ताका डुबान हुन सक्ने होचा स्थानमा भोलि मध्यान्न सम्म उच्च सतर्कता साथ सुरक्षित स्थान रहन आग्रह गरेको छ ।

साेमबार साँझ देखि नै नारायण नदीमा पानीको बहाब बढेको छ । महाशाखाले २९ वटा ठाउँलाई जोखिम क्षेत्र भनेको छ ।

त्यस्तै कालीगण्डकी, तिनाउ,पश्चिम राप्ती, बबई, भेरी र यसका सहायक नदीजलाधार लगायत लुम्बिनी, कर्णाली र सुदूरपश्चिम प्रदेशको चुरे र तराई भई बहने केहि स-साना नदीमा बहाव उल्लेख्य बढ्ने र सतर्कता आसपास पुग्न सक्ने बताइएकाे छ। महाशाखाले असार ३ गतेसम्म उल्लेखित नदीहरुका तटिय क्षेत्रहरुमा विशेष सावधानी अपनाउन अनुरोध गरेको छ ।