हामी सबैकाे संसारन्यूज

२ असार, काठमाडौं । पूर्वप्रधानमन्त्री तथा  नेकपा एमालेका वरिष्ठ नेता झलनाथ खनाल स्वास्थ्योपचारका लागि दिल्ली गएका छन् ।

सामान्य ज्वरो आएर नर्भिक अस्पतालमा भर्ना भएका नेता खनालको स्वास्थ्य अवस्था जटिल बन्दै गएपछि थप उपचारका लागि भारतको राजधानी दिल्लीतर्फ लागेका छन् ।

राजनैतिक दलहरुबीचको विवाद तथा धु्रविकरणले विभाजन उन्मुख भएको देशको बर्तमान राजनीतिक अवस्थाप्रति चिन्तित हुँदै नेता खनालले राष्ट्रिय एकता–अखण्डता–लोकतन्त्र र स्थायीत्वको खम्बाको रुपमा रहेका दलहरुभित्र यस्तो हुनु देश, जनता, लोकतन्त्र, विकास र समृद्दिको निम्ति दुर्भाग्यपूर्ण भएको बताएका छन् ।

‘त्यसैले देशका प्रमुख दलहरु र तिनका नेताहरु बीचको अनावस्यक टकराव, महत्वकांक्षा र व्यक्तिगत इगो साँध्ने कार्य यथाशिघ्र अन्त्य गरिनुपर्छ । हामी सबै एकजुट भएर मुलुकको मुलभुत समस्याहरु हल गर्नुपर्दछ भन्ने कुरामा म सबैलाई आग्रह गर्न चाहान्छु ।’ नेता खनालद्धारा जारी विज्ञिप्तमा जनाइएको छ ।

नेता खनालले एकता सफलताको बाटो र फुट विनासको बाटो रहेकोले रिस, अहंकार, र बदलाभाव त्यागेर पार्टीको बैद्यानिक प्रक्रिया अन्तर्गत यो पार्टी फुटबाट जोगाउने तथा एकताबद्ध पार्न समेत सबैमा अनुरोध गरेका छन् ।